Trump akijaribu kumaliza vita Ukraine anaweza kuuliwa kama John F. Kennedy – Medvedev

Iwapo Donald Trump atachaguliwa kuwa rais wa Marekani na kujaribu kumaliza mzozo wa Ukraine kwa dhati, anaweza Kuuawa kama John F. Kennedy, Rais wa zamani wa Urusi Dmitry Medvedev amedai. Pia alisema kuwa uhusiano kati ya Washington na Moscow huenda utaendelea kuwa mbaya sana bila kujali ni nani ataibuka kidedea katika uchaguzi wa urais wa Jumanne.

Wakati wa kampeni zake, mgombea uyo wa chama cha Republican GOP ameapa mara kwa mara kukomesha umwagaji damu nchini Ukraine kwa muda mfupi, ikiwa atachaguliwa. Hata hivyo, hajatoa maelezo yoyote maalum. Mpinzani wake wa chama cha Democratic, Kamala Harris, amependekeza kwamba Trump kimsingi angeilazimisha Kiev kujisalimisha.

Wakati huo huo, msemaji wa Kremlin Dmitry Peskov pia ameelezea mashaka juu ya uwezo wa mteule wa Republican kumaliza mzozo mara moja, akibainisha kuwa hakuna “fimbo ya uchawi” ambayo angeweza kufanya hivyo.

Katika chapisho kwenye chaneli yake ya Telegram siku ya Jumapili, Medvedev, ambaye kwa sasa anahudumu kama naibu mwenyekiti wa Baraza la Usalama la Urusi, aliandika kwamba Moscow haina matarajio makubwa kuhusu matokeo ya uchaguzi wa rais wa Marekani Jumanne. Alisema kuwa “kwa Urusi, uchaguzi hautabadilisha chochote, kwani misimamo ya wagombea wote wawili inaonyesha makubaliano ya pande mbili kwamba nchi yetu inapaswa kushindwa.”

Kulingana na Medvedev, akiwa kwenye kampeni, “Trump ambaye amechoka kwa kiasi fulani” amekuwa akipuuza “mizani” kuhusu matarajio ya amani ya Ukraine, na uhusiano wake mzuri na viongozi wa ulimwengu. Walakini, ikiwa atachaguliwa, Mrepublican uyo”atalazimishwa kufuata sheria zote za mfumo,” na “hangeweza kusimamisha vita. Si kwa siku moja, si kwa siku tatu, si kwa miezi mitatu.”

“Na kama atajaribu kweli [kumaliza mzozo wa Ukraine], anaweza kuwa JFK mpya,” rais wa zamani wa Urusi alionya.

John F. Kennedy, rais wa 35 wa Marekani, aliuawa mwaka wa 1963.

Kuhusu Harris, ofisa huyo wa Urusi alimkashifu kwa kumuita “mpumbavu, asiye na uzoefu [na] anayeweza kudhibitiwa.” Medvedev alidai kwamba akichaguliwa, atakuwa mtu mashuhuri tu, huku maafisa wengine na washiriki wa familia ya Rais wa zamani Barack Obama wakivuta kamba.

Katika mahojiano ya kipekee na RT mapema wiki iliyopita, Medvedev alisema kwamba “kama nchi za Magharibi, hasa Marekani, zingekuwa na unyumbufu na hekima ya kutosha kufanya makubaliano ya usalama na Urusi, kusingekuwa na operesheni maalum ya kijeshi [nchini Ukraine]. ” Alisema kuwa Marekani na washirika wake walishindwa kutambua hili kwa wakati kwa sababu “wana mazoea ya kuonea kila mtu ili ajisalimishe,” na kufanya kazi “kwa kanuni ya upekee wa Marekani na ubora wa maslahi ya Marekani.”