Marekani yavamiwa na Ndege zisizo na rubani za ajabu zilzoifunga njia za ndege za uwanja wa ndege wa NY,

Ndege zisizo na rubani ambazo zimekuwa zikisumbua anga katika eneo la Kaskazini-mashariki mwa Marekani, zilifunga njia za kurukia ndege za Uwanja wa Ndege wa Kimataifa wa Stewart Ijumaa usiku, na kumfanya Gavana wa eneo hilo, Hochul kutaka Mamlaka kuingilia kati.

“Hii imekwenda mbali sana,” Hochul alisema katika taarifa fupi Jumamosi, ambapo alibainisha kuwa njia ya kurukia ndege ya kituo cha Orange County ilifungwa kwa saa moja kwa sababu ya ndege hizo kutotambuliwa.

Uwanja wa Ndege wa Stewart unahudumu kwa safari za ndege za kibiashara na za kijeshi na uko karibu na kambi ya anga ya kijeshi ya New York.

Ndege zisizo na rubani ambazo hazijatambuliwa – ambazo zimekuwa zikiruka juu ya eneo la New Jersey kwa karibu mwezi mmoja na zimeonekana huko Maryland, Pennsylvania, na Massachusetts – pia zilionekana hivi karibuni zikiruka juu ya Uwanja wa Ndege wa Kimataifa wa LaGuardia na Uwanja wa Ndege wa Kimataifa wa Newark Liberty.

Njia za kurukia ndege zilifungwa saa 9:40 alasiri. “kufuatia ripoti kutoka kwa Mamlaka ya anga Federal Aviation Administration(FAA) kuhusu kuonekana kwa ndege zisizo na rubani kwenye uwanja wa ndege,” kulingana na Mamlaka ya Bandari ya New York na New Jersey, ambayo huendesha uwanja wa Stewart.

Njia za ndege zilifunguliwa tena saa 10:45 p.m., “na hakukuwa na athari kwa shughuli za ndege wakati wa kufungwa,” msemaji aliiambia gazeti la The NY Post.

Utawala wa Biden unapaswa kutoa msaada wa sheria ya shirikisho kwa mkoa “ili kuhakikisha usalama wa miundombinu yetu muhimu na watu wetu,” Hochul alidai, na kuongeza kuwa “alielekeza Kituo cha Ujasusi cha Jimbo la New York kuchunguza kikamilifu kuonekana kwa ndege zisizo na rubani” katikati ya Novemba. .

Pia aliwasihi polisi wa serikali “kuratibu na kutekeleza sheria ya shirikisho kushughulikia suala hilo.”

Wakati “juhudi hizo zinaendelea,” Hochul alisema ni wakati wa Congress kuchukua hatua.

“Ili kuruhusu utekelezaji wa sheria za serikali kufanyia kazi suala hili, sasa natoa wito kwa Congress kupitisha Sheria ya Usalama, na Uidhinishaji wa Mamlaka ya Kupambana na Mifumo wa kusimamia ndege zisizo na rubani – Unmanned Aircraft Systems (UAS), iliyoletwa kwa mara ya kwanza mnamo Juni na Mwakilishi Mark Green (R-TN) .

“Mswada huu ungebadilisha mamlaka za kisheria ili kukabiliana na UAS na kuimarisha usimamizi wa FAA wa ndege zisizo na rubani, na ungepanua shughuli za kukabiliana na UAS kuchagua vyombo vya kutekeleza sheria vya serikali na mitaa,” aliandika katika taarifa yake. Mfumo wa Counter-UAS inasimamia “mfumo wa ndege zisizo na rubani.”

Kuonekana kwa ndege zisizo na rubani pia kumeripotiwa katika mitaa mitano na pia kwenye Kisiwa cha Long.

Matukio mengi yametokea huko New Jersey, ambapo idadi kubwa ya ndege zisizo na rubani zimeonekana na mabaharia na Walinzi wa Pwani na askari wa ndani.