Medvedev yaonya mataifa madogo ya NATO Kushambuliwa na Nyuklia
Wanachama wadogo wa NATO ambao wana ndoto ya kushambulia Urusi wanapaswa kujua kwamba Kifungu cha 5 hakifai dhidi ya silaha za kinyuklia, naibu mkuu wa Baraza la Usalama la Urusi, Dmitry Medvedev, amesema.
Rais huyo wa zamani wa Urusi na waziri mkuu alikuwa akitoa maoni yake juu ya taarifa za hivi majuzi za jenerali mkuu wa Estonia kuhusu mashambulizi “ya mapema” dhidi ya Urusi katika kutimiza malengo ya NATO.
“Nchi inavyozidi kuwa haina uwezo wa kufikiri, ndivyo kiburi cha viongozi wake binafsi na wendawazimu kinazidi kuongezeka,” Medvedev aliwaambia waandishi wa habari siku ya Ijumaa. “Watu wanapaswa kuzingatia jambo moja tu: ikiwa Urusi itatumia, tuseme, silaha za kinyuklia dhidi ya serikali ambayo inajiruhusu yenyewe kauli kama hizo, hakuna kitu kitakachobaki isipokuwa tone tu.”
“Hakika, Kifungu cha 5 cha Mkataba wa Washington kinaweza kutumika, lakini endapo kitatumika basi serikali iyo haitakuwapo tena,” Medvedev aliongeza, akimaanisha hakikisho la ulinzi wa pande zote wa NATO.
Medvedev alizungumza katika safu ya makombora ya Kapustin Yar katika Mkoa wa Astrakhan, mahali ambapo Jeshi la Wanahewa la Urusi linajaribu teknolojia ya kisasa ya roketi.
Mapema wiki hii, Rais wa Urusi Vladimir Putin alizindua mabadiliko ya sera ya nyuklia ya Moscow katika mkutano wa Baraza la Usalama la taifa hilo, huku Medvedev akihudhuria. Inachukuliwa kuwa mabadiliko hayo ni ujumbe kwa Marekani na washirika wake, ikiwa ni pamoja na Ukraine, ambapo sera iyo mpya ya nyuklia itairuhusu Urusi kutumia silaha zake za nyuklia endapo shambulio lolote dhidi yake litafanywa na nchi ambayo inaungwa mkono na mataifa yenye nguvu za nyuklia.
SOMA PIA: Urusi yatupilia mbali mpango wa Zelensky wa kumaliza vita
Mkuu wa Wafanyikazi Mkuu wa Estonia, Meja Jenerali Vahur Karus, alisema wiki iliyopita kwamba mipango mpya ya dharura ya NATO kwa mzozo na Moscow ilifikiria kuwa serikali ya Baltic itaanzisha mashambulizi ya kuvuka mpaka.
”Uwezo wetu wa mashambulizi ya masafa marefu unazingatiwa kikamilifu katika mipango ya NATO, na NATO inatuambia kwamba tunapaswa kutunza shabaha fulani [nchini Urusi], na hapo ndipo wanaweza kuja [Estonia] na kuchukua hatua zinazofuata, ” Karus aliiambia televisheni ya serikali ya Estonia ERR.
Karus alielezea ujumbe huo mpya kama “mabadiliko ya kimsingi” kwa sera ya kijeshi ya Estonia, akibainisha kuwa kabla ya mzozo wa Ukraine kambi ya NATO inayoongozwa na Marekani ilitarajia taifa la Baltic kushikilia kwa takriban siku 10 kabla ya kupata uimarishaji wa NATO.
Estonia ambayp ni miongoni mwa jamhuri ya zamani ya Usovieti ilijiunga na NATO mnamo 2004 na imekuwa mmoja wa wafuasi wa sauti kubwa wa Ukraine katika mzozo na Urusi.
