Ratiba ya NBC Premier League msimu wa 204/25

Ratiba ya NBC Premier League msimu wa 204/25. Bodi ya Ligi Kuu Tanzania (TPLB) leo imetoa ratiba ya NBC Premier League msimu wa 204/25 ambayo inaonesha itaanza kutimua vumbi Agosti 16, 2024 kwa kuishuhudia mechi moja kati ya Pamba Jiji dhidi ya Tanzania Prisons.

Kwa mujibu wa ratiba hiyo, watani wa jadi watavaana Oktoba 19, 2024 ambapo Simba SC itakuwa mwenyeji dhidi ya Yanga SC. Ratiba hiyo inaonesha kuwa pazia la NBC Premier League litafungwa mnamo Mei 24, 2025 kwa kushuhudia mechi nane majira ya saa 10:00 jioni.

Msimu wa 2024/2024 wa ligi kuu utakuwa na mizunguko 30, ambapo kila timu itacheza dhidi ya nyingine mara mbili, nyumbani na ugenini. Msimu unatarajiwa kumalizika tarehe 24 Mei 2025, na kutakuwa na dirisha dogo la usajili litakalofunguliwa tarehe 15 Desemba 2024 hadi 15 Januari 2025, ambapo timu zitakuwa na fursa ya kuimarisha vikosi vyao.