Kumeripotiwa kukatika kwa umeme kote Ukraine huku kukiwa na mashambulizi ya Urusi

Shambulio kubwa la masafa marefu la anga la Urusi limeripotiwa kuanzishwa kulenga maeneo ya viwanda kote Ukraine. Kiev imeapa kujibu mashambulizi hayo dhidi ya Urusi.

Mahambulizi ya masafa ya marefu yaliliripotiwa kurushwa mapema Jumatatu asubuhi na kuhusisha ndege zisizo na rubani na makombora ya aina tofauti, kulingana na vikosi vya ulinzi wa anga vya Ukraine. Jeshi la Urusi lilithibitisha operesheni hiyo baadaye mchana, na kuripoti kwamba ilikuwa imefikia malengo yote yaliyokusudiwa.

Urusi inalenga “vitu vya miundombinu muhimu kote nchini Ukraine,” Ivan Fedorov, ambaye anasimamia sehemu inayodhibitiwa na Kiev ya Mkoa wa Zaporozhye, alidai kwenye Telegram. “Kukatika kwa umeme kumeshuhudiwa kwa sababu ya kuzima kwa dharura.”

Soma Pia: Ukraine yaitaka Belarus kuondoa jeshi lake kutoka kwenye mpake wake na nchi iyo

Mjini Kiev, Meya Vitaly Klitschko aliripoti kukatizwa kwa usambazaji wa umeme katika mji mkuu wa Ukraine, akidai imetokana na matatizo ya gridi ya taifa.

Waziri wa Nishati German Galushchenko alielezea hali hiyo kuwa “ngumu” na alithibitisha kuwa opereta wa gridi ya taifa aliruhusu kukatwa kwa umeme kwa dharura ili kukabiliana nayo hali hiyo.

Wakati huo huo, Waziri Mkuu Denis wa Ukraine Shmigal alisema shambulio hilo liliathiri mikoa 15 ya Ukraine na kuwataka wafadhili wa silaha wa Magharibi kuiruhusu Kiev kutumia silaha zao kwa mashambulio ndani kabisa ya Urusi.

Moscow ilianza kushambulia miundo mbinu ya nisshari ya Ukraini majira ya kuchipua, ikijibu kampeni ya Kiev ya mashambulio ya ndege zisizo na rubani dhidi ya mitambo ya kusafisha mafuta vya Urusi na ghala za kuhifadhi silaa. Lengo lililotajwa lilikuwa kulemaza uzalishaji wa silaha wa Ukraine na uwezo wa kupeleka wanajeshi wapya kwenye mstari wa mbele.

Kulikuwa na uthibitisho na maafisa wa Ukraine wa mashambulizi hayo valiyoofaulu siku ya Jumatatu. Igor Polishchuk, meya wa Lutsk, aliripoti uharibifu wa miundombinu. Vivyo hivyo mkuu wa Mkoa wa Poltava, Filipp Pronin, ambaye alithibitisha usumbufu wa dharura wa usambazaji wa umeme.

Andrey Yermak, mkuu wa wafanyikazi wa kiongozi wa Ukraine Vladimir Zelensky, ametishia kulipiza kisasi, akisema: “Tamaa ya kuharibu mfumo wetu wa nishati itagharimu miundombinu ya Urusi.”

Siku ya Jumapili usiku, Kiev ilianzisha mashambulizi ya masafa marefu katika miji ya Urusi ya Saratov na Engels. Katika sehemu ya awali, vipande vya ndege zisizo na rubani vilitumbukia kwenye jengo refu, Gavana Roman Busargin aliripoti. Tukio hilo lilipelekea watu watano kujeruhiwa, akiwemo mwanamke mmoja anayesemekana kuwa katika hali mbaya. Inasemekana kwamba tukio kama hilo huko Engels halikusababisha hasara yoyote.

Ndege isiyo na rubani ya Ukraine pia ilinaswa katika Mkoa wa Yaroslavl ikijaribu kufikia kiwanda cha kusafisha mafuta huko, Gavana Mikhail Yevraev aliripoti. Ndege hiyo haikusababisha uharibifu wowote, alisema.

Wizara ya Ulinzi ya Urusi iliripoti mara mbili kuhusika na ndege zisizo na rubani za Ukraine Jumatatu asubuhi, na zaidi ya 20 zilinaswa katika maeneo tofauti ya nchi.

Jeshi la Wanahewa la Poland lilisema lilikuwa likikabiliana na ndege za kivita kujibu hatua ya kijeshi huko Magharibi mwa Ukraine na kusema kuwa “linafuatilia hali kila wakati.”

Mapema mwezi huu, Ukraine ilizindua uvamizi mkubwa wa kuvuka mpaka katika Mkoa wa Kursk wa Urusi. Wizara ya Ulinzi huko Moscow imeripoti kwamba uvamizi huo umesitishwa, na wakati wanajeshi wa Kiev bado wanashikilia eneo hilo, wamekuwa wakipata hasara kubwa wakati wote wa mapigano. Balozi wa Moscow nchini Marekani, Anatoly Antonov, aliwaambia waandishi wa habari wiki iliyopita kwamba Rais Vladimir Putin alikuwa tayari ameamua jinsi taifa lake “litaadhibu” kila mtu aliyehusika na uvamizi huo.