Belarus imekusanya idadi kubwa ya wanajeshi kwenye mpaka wake na Ukraine, Wizara ya Mambo ya Nje ya Ukraine ilisema siku ya Jumapili, ikiionya Minsk dhidi ya kufanya “makosa ya kutisha.”
Ikinukuu ripoti za kijasusi, wizara hiyo ilisema kwamba Vikosi vya Wanajeshi vya Belarusi “vimekusanya idadi kubwa ya wanajeshi,” pamoja na vikosi vya mizinga, katika Mkoa wa Gomel “kwa ajili ya mazoezi ya kijeshi.”
“Pia kumeripotowa kuwepo kwa mamluki wa PMC wa zamani wa Wagner,” wizara iyo ilisema katika taarifa kwenye tovuti yake. Wizara iyo iliendelea kusema kuwa kufanya mazoezi karibu na Kiwanda cha Nguvu za Nyuklia cha Chernobyl “kunatishia usalama wa kitaifa wa Ukraine na usalama wa kimataifa kwa ujumla.”
Wizara ilionya Minsk “kutofanya makosa ya kusikitisha” na kuitaka nchi hiyo jirani “kuacha vitendo visivyo vya kirafiki na kuondoa vikosi ivyo mbali kabisa na mpaka wa jimbo la Ukraine hadi umbali mkubwa kuliko safu ya kurusha ya mifumo ya Belarusi.”
“Ukraine haijawahi kuchukua na haitachukua hatua zozote zisizo za kirafiki dhidi ya watu wa Belarusi,” wizara hiyo ilisema, ikisisitiza kwamba Ukraine inahifadhi haki ya kujilinda katika iwapo kutatokea shambulio.
Rais wa Belarus Alexander Lukashenko hapo awali aliishutumu Kiev kwa mkusanyiko hatari wa kijeshi, akidai kuwa Kiev ilikuwa imekusanya zaidi ya wanajeshi 120,000 kwenye mpaka wake wa kaskazini.
“Baada ya kuona sera yao ya fujo, tumepeleka wanajeshi wetu katika maeneo fulani karibu na mpaka wetu,” Lukashenko alisema katika mahojiano na shirika la utangazaji la Urusi VGTRK mwezi huu. “Nililazimika kupeleka karibu theluthi moja ya jeshi [la Belarusi] ili kuimarisha vikosi vilivyokuwepo.” Aliongeza kuwa wanajeshi wako tayari kuilinda Belarus iwapo vita vitazuka.
Mapema Agosti, Lukasjenko alisema kuwa vikosi vya ulinzi wa anga viliangusha “ndege zisizo na rubani” kadhaa ambazo zilirushwa nchini Ukraine na kukiuka anga ya Belarusi.
Minsk amezitaka Urusi na Ukraine kurejea kwenye meza ya mazungumzo, na kuonya kwamba kuendelea kwa mapigano kunaweza kusababisha “kuongezeka kwa mvutano ambako kutasababisha uharibifu mkubwa wa Ukraine.”
Belarus ina mkataba wa ulinzi na Urusi na silaha za nyuklia za Urusi zimewekwa kwenye eneo lake.
Ukraine ilizindua uvamizi katika Mkoa wa Kursk wa Urusi mnamo Agosti 6, ikidai kwamba ilikuwa na nia ya kuanzisha “eneo la buffer” katika ardhi ya Urusi. Moscow ilijibu kwa kupeleka vikosi vya ziada kuwafukuza wavamizi na kuandaa uondoaji wa raia kutoka maeneo yaliyoathiriwa. Rais Vladimir Putin alifahamisha Wakala wa Kimataifa wa Nishati ya Atomiki (IAEA) kwamba Ukraine “ilijaribu kushambulia” Kiwanda cha Nguvu za Nyuklia cha Kursk.
