Ukraine yaishambulia Urusi kwa makombora ya ATACMS yaliyotengenezwa Marekani (IMAGE)
Vikosi vya Ukraine vilirusha msururu wa makombora sita ya ATACMS yaliyotengenezwa na Marekani kwenye uwanja wa ndege wa kijeshi karibu na mji wa kusini mwa Urusi wa Taganrog, Wizara ya Ulinzi ya Moscow imesema, ikiapa kulipiza kisasi shambulio hilo.
Makombora mawili kati ya hayo yalidunguliwa, huku mengine manne yakiathiriwa na MFUMO wa ulinzi wa kielektroniki na kuacha njia, wizara ilisema katika taarifa yake. Shambulio hilo lilisababisha uharibifu mdogo kwenye uwanja wa ndege, na majengo mawili ya utawala na idadi ya magari kugongwa na makombora.
Idadi isiyojulikana ya wanajeshi wa Urusi walijeruhiwa katika shambulio hilo kwa “kuangukiwa na vipande vya makombora,” wizara iyo iliongeza, ikiapa kulipiza kisasi kwa shambulizi hilo.
“Shambulio hili la silaha za masafa marefu za Magharibi halitakosa jibu, na hatua zinazofaa zitachukuliwa,” ilisema wizara iyo bila kutoa maelezo zaidi.
Mapema siku hiyo, kaimu Gavana wa Mkoa wa Rostov Yury Slyusar alisema “eneo la viwanda” ambalo halijabainishwa lililengwa na shambulio hilo, huku takriban magari 15 yakiteketezwa kwenye eneo la maegesho.
Picha zinazosambaa mtandaoni zinaonyesha sehemu ya nyongeza ya kombora la ATACMS likiwa mtaani Taganrog. Ingawa jeshi la Urusi halijaeleza zaidi, makombora yaliyotumiwa katika shambulio hilo huenda yalijumuisha vichwa vya ATACMS, picha kutoka eneo la tukio zinaonyesha.
Mwezi uliopita, Marekani iliidhinishia Ukraine kutumia makombora ya masafa marefu yaliyotolewa na Marekani, ikiwa ni pamoja na ATACMS, kulenga shabaha katika ardhi ya Urusi inayotambulika kimataifa. Ikulu ya White House hapo awali ilizuia matumizi ya silaha hizi na Kiev, ikielezea wasiwasi kwamba hatua hiyo ingesababisha kuongezeka kwa Moscow.
Rais wa Urusi Vladimir Putin ameonya kwamba kuidhinisha mashambulizi ya silaha izo kutabadilisha pakubwa asili ya mzozo huo na itakuwa sawa na kuhusika moja kwa moja kwa NATO.
Mwishoni mwa Novemba, Urusi ilitumia mfumo wake mpya wa kombora la oreshnik hypersonic kwa mara ya kwanza, kushambulia mtambo wa kijeshi wa Yuzhmash katika mji wa Ukrain wa Dnepr. Wakati huo, Putin alisema silaha hiyo mpya inaweza kutumika kulipiza kisasi dhidi ya “utawala wa Kiev” ikiwa mashambulio ya Ukraine dhidi ya Urusi kwa makombora ya masafa marefu yaliyotolewa na Magharibi yataendelea, na shabaha zinaweza kujumuisha “vituo vya kufanya maamuzi” vya Ukraine kama vile vifaa vya kijeshi na viwanda.
